Au das Jahr het sich dr Isatz vo mim Ma bi sine Biene glohnt. Gläser mit heller und dunkler Farb (Früeligs- und Summerhonig) lüchted mi a im Gstell. E riise Freud! So vill Mal isch er go kontrolliere uf Schädlingsbefall, het Wasser bracht oder chöne Honigwabe ufsetze. Sini Stirnrunzle hend sich im Herbscht aber rasant vertüft, wo n är die erschte asiatische Hornisse entdeckt het vor em Bienewage. Die Räuber hend gruusig Hunger gha! Machtlos und truurig het är müesse zueluge wie si d Biene packt und dervotreit hend. Sini Völker sind jetzt fascht usgrottet. Dass das nid nume da es Problem isch, machts no bedrohlicher. Was frässe die unerwünschte Idringling wenns kener Biene meh het? Wär bestäubt i Zuekunft im Früehlig Bäum und Strücher? I bitte glaub min Zweitjüngschte i sinere Bruefsschuel im Strickhof nazfröge, ob si scho e Kurs „Bestäuben mit Pinsel“ abüte.
